Վանաձորի քաղաքապետարանի Բոհեմ կամերային թատրոն
հասցեն` Տիգրան Մեծի 2
Ստեղծվել է 1993թ.-ին, Հովհ.Աբելյանի անվան ՊԴԹ դերասաններ Գրետա Մեջլումյանի, Վրույր Հարությունյանի և Մայիս Սարգսյանի ջանքերի շնորհիվ: Ստեղծման օրվանից թատրոնը մասնակցել է մի շարք թատերական փառատոների`§Արցախյան գարուն¦, §Թատերական Լոռի¦, §Ֆելլբախ-2002¦, արժանացել մրցանակների: §Թատերական Լոռի¦ փառատոնում, գերմանացի դրամատուրգ Էդգար Հիլզենրաթի §Վերջին մտքի հեքիաթը¦ ներկայացումն արժանացել է §Լավագույն ներկայացում¦ և § Տղամարդու լավագույն դերակատար¦ անվանակարգերի մրցանակներին: Գերմանիայի Ֆելլբախ քաղաքի թատերական միջազգային փառատոնին թատրոնը մասնակցել է Ա.Աղասարյանի §Անբան Հուռին¦ թատերախաղով` ճանաչվելով լավագույնը: 2010թ.-ին թատրոնը մասնակցել է Շեքսպիրյան միջազգային թատերական փառատոնին` արժանացել փառատոնի ժյուրիի նախագահ Եժի Գրատովսկու բարձր գնահատանքին: Այժմ §Բոհեմ¦ կամերային թատրոնը իր գործունեությունն իրականացնում է Շ.Ազնավուրի անվան մշակույթի պալատում:
Թատրոնի գեղարվեստական ղեկավարն է ՀՀ արվեստի վաստակավոր գործիչ Մայիս Սարգսյանը , ռեժիսորը`Ալլա Ավետիսյանը:
Տիկնիկային թատրոն
հասցեն` Վարդանանց 110ա
Ստեղծվել է 1994 թվականին: Հիմնադրման օրվանից հանդիսատեսի դատին են ներկայացվել շուրջ 33 հեղինակների ստեղծագործություններ: Թատրոնը ելույթներ է ունեցել ոչ միայն Վանաձորում և Լոռու մարզի համայնքներում, այլև Երևանում, Արցախում, Թբիլիսիում, Վրաստանի հայաբնակ համայնքներում, հանրապետության բազմաթիվ քաղաքներում: Մասնակցել է բազմաթիվ մարզային և հանրապետական փառատոների, արժանացել բարձր պարգևների, հատուկ մրրցանակների ու դիպլոմների: 1996-97թթ.-ին ՀՀ մշակույթի նախարարության կազմակերպած Համազգային փառատոնում ճանաչվել է հանրապետության լավագույն մանկական թատրոններից մեկը և արժանացել ՀՀ մշակույթի նախարարության և թատերական գործիչների միության հատուկ մրցանակին ու դիպլոմներին: Նույն թվականին Փարիզի ,, Բոհեմ,, կամերային թատերախմբի հրավերով Թումանյանի հեքիաթները ներկայացրել են Փարիզի, Մարսելի, Լիոնի ֆրանսահայ մանուկներին:
Ստեղծման օրվանից թատրոնի գեղարվեստական ղեկավան ու տնօրենն է Սերգեյ Մելիքյանը:
