Վանաձորի համայնքապետարանը 2020 թվականի հոկտեմբերին միացել է «Տեղական բաց կառավարում» նախաձեռնությանը: ԲԿԳ (Բաց կառավարման գործընկերություն) նախաձեռնության նպատակն է բարելավել հանրային և համայնքային կառավարման ոլորտը, այն դարձնել առավել քաղաքացիակենտրոն, թափանցիկ, նորարար, հաշվետու և մասնակցային:

 «Տեղական բաց կառավարում» նախաձեռնության ծրագրի շրջանակներում  Վանաձոր համայնքը արդեն իսկ ամփոփել է 2020-2025թթ Գործողությունների պլանով ստանձնած 5 հանձնառությունները։ Շարունակելով անդամակցությունը «Տեղական բաց կառավարում» նախաձեռնությանը` Վանաձորի համայնքապետարանը պատրաստվում է ստանձնել  ևս 2 հանձնառություն հետևյալ ուղղություններից՝

 1. Ինտերակտիվ բյուջե

2. Կոռուպցիայի կանխարգելման միջոցառումներ

3․ խելացի քաղաք, նորարար լուծումներ։

4. Բնակչությանը մատուցվող ծառայություններ

5. Կայուն սոցիալական միջավայրի ապահովում

6. Մասնակցային կառավարում

7. Բարեվարքություն

8․ Բնապահպանություն և շրջակա միջավայր

          Առաջարկներ կարող են ներկայացնել այն անհատները և կազմակերպությունները, ում գործունեությունը համապատասխանում է հետևյալ սկզբունքներին՝

• առնվազն հինգ տարվա մասնագիտացված աշխատանքային գործունեություն,

• կազմակերպություններ, որոնց կանոնադրության նպատակները բխում են աղբահանության, հասարակական տրանսպորտի, զբոսաշրջության, առողջապահության, բնակչությանը մատուցվող ծառայությունների, կայուն սոցիալական միջավայրի ապահովման, բարեվարքության, մասնակցային կառավարման, կանաչ տնտեսության ոլորտներից և ուղղություններից, կոռուպցիայի դեմ պայքարից,

• ծանոթ են «Բաց կառավարման գործընկերություն» նախաձեռնությանը, ինչպես նաև իրականացրել են ծրագրեր, որոնց հիմքում ընկած են ԲԿԳ սկզբունքները և ունեն ազգային կամ տեղական իշխանությունների հետ համագործակցության փորձ:

         Առաջարկները պետք է համապատասխանեն «Բաց կառավարման գործընկերության» սկզբունքներին, այն է՝ թափանցիկություն, հաշվետվողականություն, մասնակցայնություն, նորարարություն:

         Առաջարկները ներկայացնել մինչև սույն թվականի փետրվարի 26-ը: 

Ակնկալում ենք Ձեր ակտիվ մասնակցությունը վերը նշված ուղղություններից նոր հանձնառություն ստանձնելու համար։

Ներկայացրեք Ձեր գաղափարը