Մարտի 28-ին՝

ժամը 20:30-ից մինչև 21:30-ը,

Վանաձորում կանջատվի հիմնական փողոցների և շենքերի արտաքին լուսավորությունը՝ աջակցելով էներգախնայողության և բնապահպանական իրազեկմանն ուղղված «Երկրի ժամ» համաշխարհային կարևոր ակցիային։

Վանաձորում արդեն իրականացվել է արտաքին լուսավորության համակարգի արդիականացում․ հին լուսատուները փոխարինվել են ժամանակակից, էներգախնայող լամպերով, ինչի շնորհիվ նվազում է լուսային աղտոտվածությունը։

«Երկրի ժամ» բնապահպանական շարժման հիմքը դրվել է 2007 թվականին World Wide Fund for Nature-ի կողմից։ Շարժման նպատակն է մեկ ժամով անջատել շենքերի և հանրային տարածքների ոչ անհրաժեշտ արտաքին լուսավորությունը՝ արտահայտելով մեր միասնական պատասխանատվությունը Երկիր մոլորակի հանդեպ։