Քո նվիրած միավոր արյունը կարող է կյանք փրկել քաղցկեղով և արյան հիվանդություններով տառապող երեխաների և մեծահասակների համար։ Այն նաև կենսական նշանակություն ունի բարդ վիրահատությունների, ծննդաբերությունների և արտակարգ իրավիճակների ժամանակ։

Դոնոր դառնալով՝ դու դառնում ես հույսի աղբյուր բազմաթիվ մարդկանց համար։ Մի՛ ուշացիր — հանձնիր արյուն։

Հիշեցնենք, որ յուրաքանչյուր անհատ կամ կազմակերպություն կարող է միանալ կյանքեր փրկող այս կարևոր նախաձեռնությանը։ <<Յոլյան>> արյունաբանության և ուռուցքաբանության կենտրոնի մասնագետները պատրաստ են կազմակերպել այցելություններ և ներկայացնել արյունատվության նշանակությունն ու դրական ազդեցությունը, դրա ցուցումներն ու հակացուցումները, ինչպես նաև պատասխանել դոնորությանը վերաբերող բոլոր հարցերին։