Ղեկավարվելով «Հայաստանի Հանրապետության  ընտրական օրենսգիրք» սահմանադրական օրենքի 21-րդ հոդվածի 3-րդ մասով և Հայաստանի Հանրապետության կենտրոնական ընտրական հանձնաժողովի 2026 թվականի փետրվարի 9-ի հ․ 15-Ա որոշմամբ հաստատված Հայաստանի Հանրապետության Ազգային ժողովի 2026 թվականի հունիսի 7-ին կայանալիք հերթական ընտրությունների նախապատրաստման և անցկացման հիմնական միջոցառումների ժամանակացույցի 26-րդ կետով․

1․ 2026 թվականի հունիսի 7-ին կայանալիք Հայաստանի Հանրապետության Ազգային ժողովի հերթական ընտրությունների քարոզչական պաստառները, քարոզչական տպագիր և այլ նյութեր փակցնելու համար Վանաձոր համայնքի տարածքում առանձնացնել անվճար վահանակներ՝ համաձայն հավելվածի։
2․ Առանձնացված վահանակների վրա յուրաքանչյուր կուսակցությունների, կուսակցությունների դաշինքների համար յուրաքանչյուր տեղում հատկացվում է մեկ A4 չափի 21սմ լայնությամբ, 29․7սմ բարձրությամբ տարածք, հորիզոնական դասավորվածությամբ ընդհանուր 0․06237քմ մակերեսով՝ համաձայն կից գծագրի։
3․ Սույն որոշման օրինակը ենթակա է ներկայացման Հայաստանի Հանրապետության ընտրական օրենսգրքի 21-րդ հոդվածի 4-րդ կետի համաձայն՝ եռօրյա ժամկետում։
4. Ուժը կորցրած ճանաչել Վանաձոր համայնքի ղեկավարի 27 ապրիլի 2026 թվականի թիվ 838 և 28 ապրիլի 2026 թվականի թիվ 857 որոշումները։