2026 թվականին նշվող ԵՄ Կայուն էներգիայի շաբաթվա (EU Sustainable Energy Week 2026) շրջանակներում ԵՀ «Քաղաքապետերի դաշնագիր՝ Արևելք» ծրագիրը հայտարարում է «Կայուն էներգիայի օրերի լավագույն կազմակերպիչ» մրցույթ համայնքապետարանների աշխատողների, դպրոցների տնօրենների կամ ուսուցիչների, ինչպես նաև տեղական ՀԿ-ների համար:

Մրցույթին կարող են մասնակցել ԵՀ «Քաղաքապետերի դաշնագիր» նախաձեռնությանն անդամակցող համայնքների ՏԻՄ-երի, դպրոցների և տեղական ՀԿ-ների այն ներկայացուցիչները, որոնք ներգրավված են եղել ԵՄ Կայուն էներգիայի շաբաթվա ներքո համայնքներում միջոցառումների և մրցույթների կազմակերպման գործընթացներում:

Լավագույն կազմակերպիչները կորոշվեն Կայուն էներգետիկ շաբաթվա շրջանակում համայնքի բնակչության և շահառուների իրազեկման և երիտասարդության ներգրավմանն ուղղված միջոցառումների՝ հաջողությամբ կազմակերպման և ակտիվ լուսաբանման համար՝ հաշվի առնելով կազմակերպվող միջոցառումների և մրցույթների բազմազանությունը, ինֆորմատիվությունը և նորարարությունը:

Մրցույթի շրջանակում պետք է ներկայացնել հետևյալ տեղեկատվությունը.

• Կազմակերպիչների (ՏԻՄ, դպրոց, ՀԿ) տվյալները:

• Կայուն էներգիայի օրերի շրջանակներում կազմակերպված միջոցառումներն ու մրցույթներն արտացոլող ֆոտո/տեսանյութերը և համապատասխան տեղեկատվությունը՝միջոցառման անունը և տևողությունը, թիրախային խումբը, մասնակիցների թիվը, հաղթողներին, մրցանակաբաշխությունը և այլն:

• Կայքերում, սոցիալական ցանցերում, ԶԼՄ-ներում և այլ հարթակներում համայնքում կազմակերպված միջոցառումները և մրցույթները լուսաբանող նյութերի հղումները, որոնք կարող են նաև տարածվել ԵՀ «Քաղաքապետերի դաշնագիր՝ Արևելք» ծրագրի և գործընկերների կայքէջերում և սոցիալական ցանցերում:

• Վերոհիշյալ նյութերը անհրաժեշտ է ուղարկել [email protected] էլեկտրոնային հասցեին մինչև ս.թ. հուլիսի 1-ը:

Ներկայացված նյութերի գնահատումը կիրականացվի Ծրագրի կողմից՝ մինչև հուլիսի 10-ը:

Լավագույն կազմակերպիչներին կշնորհվեն մրցանակներ, որոնք կտրամադրվեն ծրագրի կողմից Երևանում (միջոցառման վայրի և ժամի մասին մասնակիցները լրացուցիչ կտեղեկացվեն) կազմակերպվելիք մրցանակաբաշխության արարողության ընթացքում:

Մրցույթի մասին բոլոր հարցերով կարող եք գրել ծրագրի հաղորդակցության փորձագետ Տաթևիկ Հարությունյանին հետևյալ էլ. հասցեով՝ [email protected]

#CoMEast #EUSEW2026