Սիրելի՛ շրջանավարտներ,

Հարգելի՛ ուսուցիչներ, ծնողներ,

Սրտանց շնորհավորում եմ ձեզ «Վերջին զանգի» գեղեցիկ տոնի առթիվ։

Այս օրը խորհրդանշում է մի կարևոր ավարտ և միաժամանակ՝ նոր կյանքի սկիզբ։ Դպրոցական տարիները ձեզ համար դարձան գիտելիքների, ընկերության, փորձառությունների և արժեքների ձևավորման կարևոր ճանապարհ, որի հիմքի վրա կառուցելու եք ձեր ապագան։

Սիրելի՛ շրջանավարտներ, այսօր դուք հրաժեշտ եք տալիս դպրոցին, սակայն ձեզ հետ տանում եք ձեր ուսուցիչների նվիրումը, ծնողների աջակցությունը և դպրոցական հիշողությունների ամենաթանկ էջերը։

Վստահ եմ, որ ձեզանից յուրաքանչյուրն իր գիտելիքներով, աշխատասիրությամբ ու նպատակասլացությամբ իր ներդրումն է ունենալու մեր համայնքի և հայրենիքի զարգացման գործում։

Երախտագիտությունս եմ հայտնում ուսուցիչներին՝ տարիների նվիրված աշխատանքի և սերունդներ կրթելու պատասխանատու առաքելության համար։ Շնորհակալություն ծնողներին՝ մշտական հոգատարության և աջակցության համար։

Թող այս օրը լինի նոր հաղթանակների, մեծ երազանքների և հաջողությունների մեկնարկ։

Բարի՛ երթ ձեզ, սիրելի՛ շրջանավարտներ։